Academies & Courses

60 учесници на Обуките за визуелни ефекти и 3д анимација поддржани од УСАИД станаа високо конкурентни на пазарот на труд

Њуменс Бизнис Акцелераторот и тренинг центарот VFX Nest, во соработка со Проектот на УСАИД за развој на деловниот екосистем и компанијата за филмски визуелни ефекти и 3D моделирање и анимација – Fx3x, успешно ја завршија реализацијата на 6 месечните интензивни обуки кои имаа за цел да оформат специјализирани и лесно вработливи кариерни профили во областа на филмска и ТВ индустрија и визуелните уметности.

Со Обуката за Визуелни ефекти за филм учесниците стекнаа знаења и вештини кои им помогнаа да се изградат во кариерниот профил Артист за Визуелни ефекти со можност за работа на интегрирање на дигитални елементи во претходно снимени материјали за филм или телевизија, а со Обуката за 3D моделирање и анимација ќе можат да градат кариера како CG Артист и да работат на компјутерски генерирани анимации и симулации, како и AR/VR/Game проекти со примена на најнови технологии.

На завршниот настан кој се организираше на 6ти март и тоа на комбиниран начин – истовремено и онлајн и во просториите на Fx3x свое обраќање имаше Претставникот на Канцеларијата на УСАИД во земјава г-дин Ерик Јановски. „Веруваме дека образованието е клучниот двигател на развојот и дека кога невработените лица учат нови, применливи вештини поврзани со достоинствена работа, можат да изградат надежна и просперитетна иднина за нив и нивните семејства, заедници и држава. УСАИД е вашиот партнер во овие напори и ќе продолжиме да соработуваме со Владата, приватниот сектор и работната сила и да ко-инвестираме во решенија кои ќе ја намалат невработеноста и ќе го спречат „одливот на мозоци“ од земјата, преку градење на посилна и одржлива економија“, изјави тој во своето обраќање.

Заради можноста дел од учесниците да следат дел од наставата и онлајн, за прв пат во ваква комплексна и високо технолошка програма имаа можност да се вклучат и учесници ширум земјата и тоа од: Скопје, Тетово, Куманово, Штип, Прилеп, Велес, Демир Капија, Кавадарци, Битола, Ресен, Охрид, Кочани, Македонски Брод и Струмица, од кои 26 девојки и 34 момчиња, од различни образовни профили и на различна вораст. На Обуките им претходеше процес на селекција на кандидатите и кариерно советување и насочување организирано од страна на ЊуМенс Бизнис Акцелераторот и изведено од кариерната советничка Катерина Златановска Попова.

Обуките се реализираа со интензивна динамика во период од 6 месеци, каде паралелно со совладувањето на редовниот наставен материјал се работеше и преку практична и групна работа за совладување на многу различни аспекти од работниот процес неопходен при создавањето на филмски, тв и анимирани дела од светски рамки. За изведувањето на обуките во соработка со компанијата Fx3x беа ангажирани ментори со над 15 години искуство во индустријата со учество во преку 100 холивудски наслови: Terminator, Avengers, James Bond, Fast and Furious, Transformers, X-Men, Mission Impossible, Spiderman, Hunger Games, Alien, Jason Bourne, Star Wars, Star Trek, на суперхероите од Marvel и DC Universe и многу други.

За време на настанот беа презентирани и дел од сработените материјали од страна на студентите, а им беа доделени и Сертификати од страна на Координаторите на Академиите. Од страна на соосновачот на компанијата Fx3x, г-дин Кристијан Даниловски, беше изразено задоволство од текот на обуките и од постигнатиот напредок на учесниците и беше изразена спремност голем дел од истите да добијат можност за работен ангажман во текот на оваа година во согласност со динамиката на зголемување на соработката со Холивуд откако индустријата после првичниот шок од Covid19 пандемијата се рестартираше и се справува со предизвиците преку воведување на иновации и користење на нови технологии, со дел од кои учесниците имаа можност да се запознаат и за време на наставата како Game Engines: Unity / Unreal и основи на Virtual Reality / Augmented Reality.

Впечатокот од страна на студентите е многу позитивен особено во делот на соработката со организаторите ЊуМенс Бизнис Акцелератор и VFX Nest и нивниоте ментори, кои вешто одговорија на предизвикот истовремено да работат со кандидати кои имаа различно ниво на претходни познавања, од различни образовни профили, на различна возраст и од голем број различни градови ширум земјата, поради што обуките беа реализирани комбинирано и онлајн и во живо. Учесниците препознаа и дека можноста во секое време да разговараат со искусен ментор кој може правилно да ги води низ процесот е од огромно значење за успешно совладување на оваа комплексна област. За прв пат најголемиот дел од вредноста на обуките беше обезбеден од страна на организаторите, а во соработка со Проектот на УСАИД за развој на деловниот екосистем и компанијата Fx3x.

Обуките се реализираа со интензивна динамика во период од 6 месеци, каде паралелно со совладувањето на редовниот наставен материјал се работеше и преку практична и групна работа за совладување на многу различни аспекти од работниот процес неопходен при создавањето на филмски, тв и анимирани дела од светски рамки. За изведувањето на обуките во соработка со компанијата Fx3x беа ангажирани ментори со над 15 години искуство во индустријата со учество во преку 100 холивудски наслови: Terminator, Avengers, James Bond, Fast and Furious, Transformers, X-Men, Mission Impossible, Spiderman, Hunger Games, Alien, Jason Bourne, Star Wars, Star Trek, на суперхероите од Marvel и DC Universe и многу други.

Кариерни профили со вакви знаења и вештини освен во дигиталните и продукциските студија, потребни се и на пазарот за дигитални видео игри, како и во маркетинг агенции, компании кои работат развој на продукти, а и во архитектонската и градежната индустрија, па оттука дел од учесниците веќе беа препознаени и им беше понудена можност за вработување и во неколку други компании.

За да добивате информации за следни слични можности следете ја веб страната www.newmansba.com или испратете емаил за интерес на contact@newmansba.com

ГАЛЕРИЈА од завршниот настан и обуките

НОВО!!! Старт: 1 септември 2020

Со поддршка на Проектот на УСАИД за развој на деловниот екосистем и во соработка со компанијата за филмски визуелни ефекти и 3D моделирање и анимација – FX3X, го најавуваме стартот на специјализирана обука со цел поттикнување на вработување:

Обука за 3D Моделирање и Анимација (само уште 4 слободни места) – Оваа обука ќе ти овозможи да започнеш кариера како CG Артист и да работиш на компјутерски генерирани анимации и симулации, како и AR/VR/Game проекти.

За време на Обуката ќе учиш од експерти со над 15 години искуство во индустријата со учество во преку 100 холивудски наслови и ќе работиш на практични примери, а по успешното завршување ќе имаш можност за вработување во светски познатата компанија Fx3x.

Артистите вработени во Fx3x досега имаа можност да работат на филмовите: Terminator, Avengers, James Bond, Fast and Furious, Transformers, X-Men, Mission Impossible, Spiderman, Hunger Games, Alien, Jason Bourne, Star Wars, Star Trek, се разбира на Marvel суперхероите, на оние од DC Universe и многу други. Секоја година 3-6 филмови на кои имаат работено добиваат номинации за Оскар. Стани и ти еден од нив!

За прв пат најголемиот дел од вредноста на обуката е обезбеден од страна на организаторите во соработка со Проектот на УСАИД за развој на деловниот екосистем и компанијата Fx3x. Заинтересираните кандидати кои ќе бидат одбрани за учество и СТИПЕНДИЈА ќе треба да обезбедат само дел од вкупната сума за партиципација во износ од 450 долари.

АПЛИЦИРАЊЕТО Е ВО ТЕК и ќе трае до пополнување на групите. Побрзај и искористи ја оваа ретка можност!

Обуката ќе се реализира во времетраење од 420 часа (предавања и вежби) во период од 5 месеци со почеток на 1ви септември 2020 година.

ПРОГРАМА ЗА ОБУКА ЗА 3D МОДЕЛИРАЊЕ И АНИМАЦИЈА

Дел 1: ОСНОВНИ ТЕХНИКИ
Тема 1: Autodesk Maya Introduction
Тема 2: Autodesk Maya Fundamentals
Тема 3: Compositing Fundamentals (Fusion)
Тема 4: Adobe Photoshop image editing
Дел 2: НАПРЕДНИ ТЕХНИКИ
Тема 5: Advanced 3D Modeling (Maya)
Тема 6: Advanced 3D Texturing (Mudbox / Zbrush)
Тема 7: Advanced 3D Rigging (Maya)
Тема 8: Acting for Animators
Тема 9: Advanced 3D Animation (Maya)
Тема 10: Advanced Surfacing, Lighting and Rendering (Maya)
Дел 3: СПЕЦИЈАЛИЗИРАНИ ТЕХНИКИ
Тема 11: Motion Capture (Cortex) / Cleanup Motion Capture (Maya)
Тема 12: Game Engines: Unity / Unreal
Тема 13: Virtual Reality / Augmented Reality
Бонус Тема: Pipeline introduction (fx3x specific)

ПАРТИЦИПАЦИЈА од учесниците: 450 долари.
ВКЛУЧЕНО: 420 часа обука (предавања и вежби) + Сертификат + Кариерно профилирање и советување + Можност за вработување во Fx3x 

Тестирањата и кариерните советувања ќе се реализираат онлајн, а предавањата ќе се реализираат во просториите на Fx3x или комбинирано со онлајн во зависност од состојбата.

Пријавување на: https://forms.gle/i4Q35Er32cVBHcDi8
За дополнителни информации прочитајте го и нашиот Блог. Ако имате прашања пишете ни порака на akademija@newmansba.com или јавете ни се на 078 801 951.

Во рамки на истиот проект може да учествувате и во Обуката за Визуелни ефекти за филм организирана од страна на нашите соработници VFX Nest. Повеќе информации на: https://vfxnest.com

ОБУКИ ВО СЕЗОНА 2019/2020: